Walid salhi - ما يهمّش

ما يهمّش عادي ما يهمّش، ما يهمّش ما يدومش حال
لو قلبي فرحو ما تمّش ما يهمّش لو حزنو طال
عذّبني وفي عذابي زوّد جرّعني لأمرر الكلّ
قلبي عالوجيعة تعوّد نحمل ونقاسي ولا نذلّ
ولا للظالم نركع ونهوّد مهما الحمل عليّ ثقال
يا ظالمني ما تفرحشي دوني النيّة مايربحشي
كان عليّ آنا نعدّيلك، لكن الأيّام ما تسامحشي
أجرح وغرّق ما يهمّش، أصهد وحرّق ما يهمّش
نخبّي وندرّق لو جرحي كبر وما تلمّش
آآآ.......ه ........آآآه ما يهمّش
أصهدني بنارك واكويني، وحنّيلي بجمرك لكفوف
واحفرلي زرداب وارميني، وادفنّي وعينيّا تشوف
رضاية والديّ تنجّيني تسندني لو بختي نال،
كيف ما تطغى وتقسى عليّ تقسى عليك الدّنيا هذيّا
العيب إلّي ادّيرو في صباحك تدفع سومو في لعشيّة
أجرح وغرّق ما يهمّش، أصهد وحرّق ما يهمّش
نخبّي وندرّق لو جرحي كبر وما تلمّش
ربّي وحدو لي يفرّجها، عالمظلوم ما يتخلّى،
مالضّيقة النّفس يخرّجها، وبأمرو الغيوم تتجلّى
كلّ علّة الصّبر يعالجها، وآنا قلبي قلب جمل،
مهما إدّبرلي وتحسبلي، وتتربّصلي وتتسبّبلي
ومهما تنصبلي المكايِدْ، ما يصيبني كان إلّي كاتبلي
أجرح وغرّق ما يهمّش، أصهد وحرّق ما يهمّش
نخبّي وندرّق لو جرحي كبر وما تلمّش

Télécharger GRATUITEMENT
ما يهمّش de Walid salhi