Adil benasser - 03 - tamchi watji fnja تمشي و تجي فالنجا

ن ديوان " حضانْ لقوافي " – الديوان 6 في الزجل/ الفئة : مغربي –
تمْشي وْ تْجي فْ النْجَا

تمْشي وْ تْجي فْ النْجَا
مْدُونْ زاهْيَة مْفَّجَة
عْيونْ فَرْحَى مْفَّرْجَة
تْغَنّي بْصُوتْ الرْجَا
وْ سْنَانْ مْبَّهْجَة مْفَلّْجَة
تْنْشَدْ وْ تْقُولْ جَا ... جَا ... جَا
سِيدِي محمدْ ... وَ نِعْمَ الملُوكْ
قَلْبْنَا بْحُبَّكْ ممْلُوكْ
سيدِي محمدْ ... وَ نِعْمَ السُلُوكْ
نْفَرْحُوا لمَّا نْشُوفُوكْ
سيدِي محمَّدْ ... كُلْنَا نْحْبُّوكْ
مْنْ بْعيدْ نْعَرْفُوكْ
زْهَاتْ شْوَارِعْ ... تْغَنِّي وْ تْصَارَعْ
شْكُونْ الصَّوْتْ البَارْعْ
يْلَّحَنْ الأمَلْ الطَّالْعْ
نْجُومْ فْسْما تْتْقَارْعْ
عَلْ النُّورْ الضَّارْعْ
تْنَوَّرْ وْ تْصَارَعْ ... زْهَاتْ شْوَارْعْ
تْغَنّي :
تمْشِي وْ تْجي فْ النّْجَا
وْ فيكْ أَ سيدْنَا الرّْجَا
رَزْقَكْ رْبي الأمَانْ ... حَفْظَكْ في كُلّْ مْكَانْ
نِعْمَ الملِكْ إِنْسَانْ ... قَلْبُو مْلْيَانْ حَنَانْ
سَبْطْ طَهْ العَدْنَانْ ... عَطْفْ مْدْلّي بْجْنَانْ
مَاتْتْ لحْزَانْ وْ لشْجَانْ ... حُبَّكْ في كُلْ مْكَانْ
عادل بناصر
الجمعة 06:47 - 17 رمضان 1434 موافق 26 يوليو 2013 -
لاروش سير يون 85000 فرنسا

Télécharger GRATUITEMENT
03 - tamchi watji fnja تمشي و تجي فالنجا de Adil benasser